Ekziston një mundësi reale që presidenti rus Vladimir Putin të shpallë aneksimin e rajoneve të pushtuara të Ukrainës, kur ai t'i drejtohet parlamentit rus të premten, bën me dije Ministria e Mbrojtjes së Mbretërisë së Bashkuar.
Referendumet janë duke u zhvilluar në zonat e pushtuara të vendit prej disa ditësh dhe pritet të përfundojnë sot. Ukraina dhe Perëndimi thonë se rezultati është vendosur tashmë nga Kremlini dhe do të përdoret si një justifikim për rrëmbimin e paligjshëm të territoreve.
“Udhëheqësit e Rusisë shpresojnë se çdo njoftim i pranimit do të shihet si një justifikim i 'operacionit ushtarak special' dhe do të konsolidojë mbështetjen patriotike për konfliktin," tha Ministria e Mbrojtjes.
Ajo shton se kjo shpresë "ka gjasa të minohet nga vetëdija në rritje e brendshme për pengesat e fundit të Rusisë në fushën e betejës dhe shqetësimi i rëndësishëm për mobilizimin e pjesshëm të shpallur javën e kaluar".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
