Njollat të kaltra që mbulojnë hapësirën ngjyrë okër të shkretëtirës: kështu duket rrugët dhe sheshet e përmbytura të Dubait në imazhet e kapura nga satelitët e programit evropian Copernicus. Përmbytja e dy ditëve më parë erdhi si pasojë e shirave të rrëmbyeshëm që goditën Emiratet e Bashkuara Arabe.
Vlerësohet se më shumë se 250 milimetra shi ranë në më pak se 24 orë, duke mbushur me ujë shumë rrugë dhe duke përmbytur pistat e aeroportit të Dubait e duke paralizuar fluturimet.
Situata dramatike u pasqyrua në imazhet e marra nga satelitët më 17 prill. Pamjet u kapën falë satelitëve Sentinel-2 të programit të vëzhgimit të Tokës Copernicus, Agjencisë Evropiane të Hapësirës dhe Komisionit Evropian. Zonat e përmbytura janë me ngjyrë bojë qielli, ndërsa njollat e kuqe tregojnë praninë e bimësisë.
Misioni Sentinel-2, kujton ESA, "siguron të dhëna thelbësore për monitorimin dhe menaxhimin e përmbytjeve, duke lejuar një vlerësim në kohë dhe të saktë të shtrirjes dhe ashpërsisë së përmbytjeve përmes imazheve satelitore me rezolucion të lartë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
