Me vendim të Këshillit të Ministrave qeveria i kalon bashkisë së Tiranës truallin ku ishte ndërtuar Teatri Kombëtar, duke ia hequr këtë kompetencë ministrisë së Kulturës. Vendim ky i cili sipas ekspertëve bie ndesh me vendimet e më hershme të Gjykatës Kushtetuese.
Lidhur me këtë VKM, në një lidhje skype në studion e lajmeve të MCN TV ka folur Përfaqësuesja ligjore e Aleancës për Mbrojtjen e Teatrit, Adriana Kalaja e cila e ka cilësuar këtë vendim, antikushtetues dhe një atentat të pastër ndaj gjykatës kushtetuese.
Ndër të tjera ajo theksoi se ditën e hënë kanë gati kallëzimin penal ndaj zv.kryeministrit Erion Braçe ndërsa e ka cilësuar si një nga ditët më të zeza të organeve të drejtësisë firmosjen e këtij vendimi. Në fund Kalaja i ka bërë thirrje SPAK që të reagojë lidhur me këtë VKM, pasi sipas saj në të kundërt ata do ti rikthehen protestave dhe ta kërkojnë të drejtën jashtë vendin nëse nuk e gjejnë atë në institucionet shqiptare.
Unë mendoj se në aspektin kushtetues ky është një vendim ligjor antikushtetues i cili prek jo vetëm interesat e të gjithë shqiptarëve por është një vendim i cili del në kundërshtim me ligjin dhe gjykatën kushtetuese. Në këto kushte vendimi i dalë dje është i organizuar, mendoj se është haptas atentat i pastër. Kjo bandë e cila ka marrë peng institucionet merr një vendim antikushtetues. E kemi thënë ne, e ka thënë gjykata kushtetuese e cila pranoi që transferimi i kësaj prone është antikushtetues sepse ajo tha që kjo është një pronë aset kombëtar e cila nuk mund të kthehet në një pronë të karakterit lokal që duan ta bëjnë.
Ne e kemi thënë me reagimet tona, me denoncimet tona në media dhe institucione që kjo është një vepër korruptive. Vetë insistimi i tyre që gjoja do ndërtojnë teatrin kanë bërë marrëveshje me kompaninë ku janë në lojë miliona euro dhe e gjej sigurinë që i them këto te mos reagimi i SPAK-ut. Kur nuk respektohet vendimi i gjykatës kushtetuese unë them se nuk ka më ditë të zezë në organet e drejtësisë. Nuk do ndalemi, ne do vazhdojmë rrugën tonë sepse jemi në rrugën e drejtë dhe jemi të bindur me mënyrën si është kapur sistemi drejtësisë, por jemi të bindur se betejën me teatrin do e fitojmë edhe jashtë territorit të vendit.
Nga e hëna do i drejtohemi sërish SPAK-ut, do kallëzojmë Erion Braçen, dhe çdo person përgjegjës që nuk kanë ekzekutuar vendimin e gjykatës kushtetuese. Në këndvështrimin tonë të gjithë këta drejtues kanë shkelur ligjin dhe jam e sigurtë që do përgjigjen. I bëj thirrje SPAK-ut të reagoj sa më shpejt sepse janë vënë në dijeni të këtij vendimi korruptiv të reagoj sa nuk është vonë për të marrë masën e sekuestros mbi truallin e teatrit masë të cilën do e kërkojmë dhe ditën e hënë. Do fillojmë dhe protesta përditë te SPAK-u derisa të zgjohet dhe të bëjë detyrën. SPAK të marrë masën derisa të mbyllen hetimet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
