Edhe sonte në emisionin Zululand ka qenë i ftuar Olsi Jazexhi, publicist dhe historian. Kësaj here Mustafa Nano është ndalur tek gjesti i dy sportitësve Mergim Mavraj dhe Shkodran Mustafit, të cilët larguan nga vetja reklamën e sponsorit, që në atë rast ishin birrat. Sipas Nanos kjo ishte e tepruar, por sipas Jazexhiut është një reagim personal që nuk e komentoi por bëri një paralele mes këtyre dhe homoseksualëve që promovojnë veten e tyre si të tillë.
Jazexhiu tha se bota është në prag të luftës ndaj të gjitha krimeve dhe luftrave që po ndodhin qoftë edhe me krijimin e ISIS. “Bota është në luftë të madhe, Papa thotë se ka nisur”, tha Jazexhiu duke nënvizuar se është përplasja e qytetërimeve tashmë.
Ndërsa duke u ndalur tek puna e ambasadorëve në Shqipëri, Jazexhiu ishte i ashpër në mendimet e tij. Ai tha se ambasadorët vinë në Shqipëri dhe vendosin veton për gjithçka ndërkohë që ne mund të jetojmë edhe pa ta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
