Kreu i Gjykatës së Lartë, Xhezair Zaganjori ka dalë sot në Kolegjin e Posaçëm të Ankimimit ku Komisioni Publik ka dhënë argumentet për ankimimin e vendimit të KPK.
Zaganjori doli në KPK në 24 korrik të vitit të kaluar duke kaluar me sukses Vetingun dhe procesin e rivlerësimit, por me rekomandim të ONM, të cilët nuk ishin dakord për konfirmimin e tij në detyrë, Komisioneri Publik ankimoi vendimin e KPK dhe ka kërkuar shkarkimin e Zaganjorit.
Komisioneri Publik ka ankimuar vendimin e Komisionit të Pavarur të Kualifikimit për konfirmimin në detyrë të për kryetarit të Gjykatës së Lartë, Xhezair Zaganjorit.
Por akuzat për probleme me pasurinë i ka përgënjeshtruar Zaganjori, i cili solli prova për të vërtetuar se nga vijnë pronat.
'Unë respektoj ligjin, sepse kështu është formimi im, të gjithë jemi në pritje. Unë thashë në kuptimin e provueshmërisë, unë jap fakte që është ashtu si them unë. Këto lloj situatash vërtetohen, jo më në situata. Shtëpia është pronë e bashkëshortes ndërtuar në 1997, Jetoj në atë shtëpi që prej vitit 1997.Nuk është e lehtë që të gjendet dokumentacioni, për një banesë para 30 vitesh. Gjeta kontratën e sipërmarrjes. Dorëzova fotografi, ku për fat kanë dhe datë. Tregon kohën e saktë të kohës së ndërtimit. Unë mendoj që janë prova, tani do e vërtetojnë ato', tha Zaganjori.
Ndërkohë seanca u ndërpre dhe seanca e radhës do të zhvillohet më 10 korrik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
