Kryeministri Edi Rama ka thirrur në një takim konsultues kryetarin e Bashkisë së Tiranës, Erion Veliaj, kreun e PS-së së Tiranës, Saimir Tahiri, dhe kreun e grupit të PS-së, Gramoz Ruçi.
Takimi zhvillohet në ambientet e kryeministrisë.
Ky është takimi i dytë i kësaj natyre pas atij të djeshmit, i cili gjithashtu u zhvillua në zyrën e Ramës. Takimi vjen pak pasi Rama zhvilloi një takim për rreth 90 minuta me kreun e LSI-së në Kryesinë e Kuvendit.
Një ditë më parë, Rama u shpreh i hapur për dialog me opozitën. Ndërsa mbrëmjen e së hënës, kreu i LSI-së hodhi idenë e krijimit të një qeverie besimi, që do të shërbejë si garante e zgjedhjeve të 18 qershorit.
Në të njëjtën linjë po qëndron edhe PDIU-ja e cila dje deklaroi se zgjedhje pa opozitën nuk mund të ketë, ndërsa propozoi një strategji për zgjidhjen e ngërçit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
