Kreu i Bashkisë së Tiranës, Erion Veliaj reagoi për protestën e sotme të opozitës përpara institucionit që drejton duke theksuar se skenat e ’97 nuk kanë vend në Tiranën e 2024-s!
Veliaj ka publikuar edhe pamjet e një efektivi policie teksa mbron kolegët nga shpërthimi i një flakadani.
Asllan Shyti shmangu djegien e kolegëve e të vetes! As e njoh, as më njeh. Shkoi në punë me kolegët e policisë jashtë, si kolegët e bashkisë brenda!
Nuk ka problem të protestosh dhe kur je pinjoll i Saliut e Fahriut që e dogjën këtë vend! E drejta jote!
Por ka shumë problem kur kërkon të vazhdosh të djegësh për të kompensuar votat e protestuesit që s'të mbështesin.
Në Bashki punojnë njerëz që nga koha e Kelmendit e Brojkës. Policët gjithashtu kanë qenë e do jenë të shtetit. Skenat e '97 nuk kanë vend në Tiranën e 2024-ës!
Asllanin e shokët i ruajti Zoti me atë reagim! Mirënjohje të gjithëve!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
