Një varr masiv me afro 300 trupa është zbuluar në spitalin Nasser në Gazën jugore nga punonjësit e Mbrojtjes Civile të Gazës, pas tërheqjes së forcave izraelite nga zona më 7 prill.
“Ne kemi gjetur 283 trupa martirësh nga varri masiv në oborrin e Kompleksit Mjekësor Nasser që nga tërheqja e ushtrisë izraelite”, tha për CNN të hënën koloneli Yamen Abu Suleiman, Drejtor i Mbrojtjes Civile në Khan Younis.
Qyteti i Khan Younis është lënë në gërmadha pas një ofensive disamujore izraelite. Sulejmani pohoi se disa prej trupave ishin gjetur me duar dhe këmbë të lidhura.
"Ka pasur shenja të ekzekutimeve në terren. Ne nuk e dimë nëse ata janë varrosur të gjallë apo të ekzekutuar. Shumica e trupave janë të dekompozuar," tha ai.
Një burrë në vendngjarje tha se ende nuk e ka gjetur trupin e djalit të tij 21-vjeçar, i cili u vra në janar.
“Nuk e kam gjetur ende. E kishim varrosur atje. Por ne nuk mund ta gjejmë atë. Dhe ne donim t'i bënim atij një varr të mirë."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
