Teksa në PD ka nisur lëvizja kundër shkarkimit të Lulzim Bashës, Lëvizja Socialiste për Integrim, i doli në krah kryedemokratit.
Nënkryetari i saj, Petrit Vasili deklaroi sot përmes një mesazhi në rrjete sociale, se përqendrimi i opozitës tani duhet të jetë rinumërimi i votave të pavlefshme dhe zbardhja e krimeve zgjedhore.
Nëse veprohet ndryshe dhe kërkohen dorëheqje, shtoi ai, pengohet puna për të bërë transparente çdo votë.
“Zgjedhjet vazhdojnë dhe opozita ka detyrë të mbrojë vullnetin e sovranit deri në rinumërimin e votës së fundit. Çdo kërkesë për dorëheqje apo analizë e nxituar ndihmon Satrapin e zgjedhjeve të fshehë krimet zgjedhore dhe legjitimojë manipulimet e bëra. Ndaj detyra e tërë opozitarëve është të përqendrohemi te rinumërimi dhe transpareca e çdo vote. Ndryshe, kushdo që bën lojën e Satrapit të zgjedhjeve të lira dhe është i shitur tek ai”, tha Petrit Vasili në “Facebook”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
