Rama mbërrin në Turqi: Do nënshkruajmë marrëveshje të rëndësishme

Kryeministri Rama ka mbërritur në Turqi, pas ftesës që i bëri presidenti Rexhep Tayip Erdogan.

Nga pamjet që shpërndan zyra e Ramës, shihet se kryeministri është pritur me ceremoni në Turqi.

Kreu i qeverisë u prit në aeroport dhe më pas në takim nga ministri i Urbanizimit dhe Mjedisit i Turqisë Murat Kurum.

Vetë ai thotë se ndodhet në Ankara për të hapur një kapitull të ri bashkëpunimi mes dy vendeve.

“Ankara - Në vizitë zyrtare me ftesë të Presidentit Erdogan, për të hapur një kapitull të ri bashkëpunimi mes dy qeverive dhe nënshkruar një sërë marrëveshjesh me rëndësi në kuadrin e partneritetit tonë strategjik”, shkruan Rama.