Greqia rikuperon qindra artefakte të vjedhura

Greqia ka gjetur qindra artefakte të grabitura, përfshirë një statujë bronzi të shekullit të dytë të Aleksandrit të Madh.

Kutia u gjet pas një beteje ligjore me kompaninë e një tregtari britanik të antikave, thanë zyrtarët.

Për vite me radhë, Greqia ka luftuar për të rimarrë artefaktet e grabitura nga muzetë dhe koleksionet private në mbarë botën.

Njoftimi se 351 objekte nga koleksioni i Symes po riatdhesoheshin pas një beteje ligjore 17-vjeçare u bë nga ministrja greke e kulturës, Lina Mendoni.

Zonja Mendoni nuk tha nëse artefaktet ishin të lidhura me zbulimin nga policia italiane dhe zvicerane në vitin 2016 të një sasie thesaresh arkeologjike që thuhet se ishin ruajtur në Zvicër.

Ndoshta veprat e artit të profilit mw të lartë në debatin nëse muzetë duhet t'i kthejnë sendet në vendet e tyre të origjinës janë Skulpturat e Partenonit.

Ata u hoqën nga tempulli i Partenonit në Athinë në fillim të shekullit të 19-të nga ushtari dhe diplomati britanik, Lord Elgin. Më pas, skulpturat u blenë nga qeveria britanike në 1816 dhe u vendosën në Muzeun Britanik.

Bisedimet për kthimin e tyre po avancojnë.

Në mars, Vatikani ktheu tre fragmente të tempullit të Partenonit të Athinës që kishte ruajtur për shekuj.