Ministrja e Arsimit dhe Sportit Evis Kushi mori pjesë në Konferencën e Observatorit për Mësimin e Historisë në Evropë, në Këshillin e Europës.
Gjatë fjalës së saj Kushi theksoi se reformat e ndërmarra në sistemin arsimor shqiptar i kanë dhënë historisë vendin dhe vlerën e duhur në kurikulat shkollore.
Ministrja tha se njohja e historisë dhe analiza e përvojave të kaluara i ndihmon nxënësit të dinë të përballen më mirë me problemet aktuale.
Nëpërmjet historisë ata zhvillojnë ndjenjën e humanizmit, dallojnë ndryshimin midis hipotezave dhe fakteve, respektojnë autenticitetin e burimeve historike, si dhe parandalojnë përsëritjen e gabimeve të së shkuarës.
Veçanërisht përballë sfidave të reja që ka bota sot, mësimi i historisë i bën nxënësit të aftë që nesër të marrin vendimet e duhura dhe t’u përgjigjen zhvillimeve globale, duke kontribuar më shumë edhe në mbështetjen dhe forcimin e demokracisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
