Ndryshon masa e sigurisë për tre persona të akuzuar për moskallëzim krimi për vrasjen e Egli Progës në Pogradec, si pasojë e dhunimit nga Denis Meçe.
Tre të pandehurit nga detyrim paraqitje janë dërguar në burg, ku do të qëndrojnë në vijim të hetimeve.
Seksioni për Hetimin e Krimeve ndaj Personit ka bërë ekzekutimin e urdhrit të Prokurorisë për ndalimin e Voltan Shkulaku, 40 vjeç, Arjan Manellari, 55 vjeç dhe Leonidha Guçe, 47 vjeç, banues në Pogradec.
Gjykata e Shkallës së Parë Korçë, ka ndryshuar masën e sigurisë nga “Detyrim paraqitje në Policinë Gjyqësore”, në “Arrest në burg”, për veprën penale “Veprime që pengojnë në zbulimin e së vërtetës”, për ngjarjen e ndodhur në lagjen nr. 1 Pogradec, ku humbi jetën Egli Proga, 42 vjeç. Tre të arrestuarit akuzohen se kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
