Mungesa e Gjykatës Kushtetuese duket se do të krijojë një tjetër debat në Shqipëri. Opozita pretendon se tashmë jemi futur në një krizë Kushtetuese-institucionale pasi në parlament nuk ka 140 deputet. Ndërkohë pala tjetër pretendon se neni 64 i kushtetutës e ka kryer punën e tij ndërkohë funksionimin e parlamentit në këto kushte e legjitimon neni 78 i kushtetutës.
Deklarata e një dite më parë e kreut të shtetit se parlamenti është futur në një krizë, politike, dhe kushtetuese-institucionale ka ndezur një debat të ri në arenën politike.
Tema Tv kontaktoi me sekretarin e përgjithshëm të Partisë Demokratike Gazment bardhi dhe ky i fundit u shpreh se neni 64 i kushtetutës parashikon se kuvendi i shqipërisë përbëhet nga 140 deputetë. Ndërkohë me djegien e mandateve të opozitës tashmë kuvendi në asnjë mënyrë nuk mund ti plotësojë 140 mandate. Në këto kushte ai shprehet se kemi të bëjmë me një krizë kushtetuese-institucionale.
Por të njëjtin qëndrim nuk ndajnë deputetët e mazhorancës. Një burim i cili preferoi të mos përmendej i tha televizionit tema se neni 64 i kushtetutës e ka kryer punën e tij në momentin kur 140 deputetët u betuan në shtator të 2017-ës. Tani sipas burimeve nga mazhoranca ka vlerë neni 78 i kushtetutës së republikës së Shqipërisë i cili shprehet se Kuvendi vendos me shumicën e votave, në prani të më shumë se gjysmës së të gjithë anëtarëve të tij, përveç rasteve kur Kushtetuta parashikon një shumicë të cilësuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
