Kryetarja e LDG-së në PD, Albana Vokshi, thotë se do të jetë pjesë e Kuvendit Kombëtar të thirrur më 11 dhjetor nga Berisha. Përmes një lidhjeje Skype, Vokshi tha se Kuvendi i thirrur nga Basha nuk përfaqëson anëtarësinë.
Unë e kam firmosur kërkesën për thirrjen e kuvendit të PD më 11 dhjetor. Është ajo që unë kam kërkuar që më 9 shtator. Kam kundërshtuar vendimin e zotit Basha për përjashtimin e Berishës. Duhet të jenë forumet ato që vendosin për vendime të rëndësishme. Përsa kohë Basha nuk ka ndërmarrë asnjë hap për të shmangur përcarjen e PD, unë do t’i bashkohem kuvendit të 11 dhjetorit. Kjo është Partia Demokratike zyrtare. Fatet e saj i ka marrë në dorë anëtarësia. 18 dhjetori i vendosur me pakicë. Të tjerët nuk mund të dalin mbi vullnetin e anëtarësisë. 18 dhjetori më kujton antimitingjet e Hysni Milloshit. PD është më 11 dhjetor, tjetri mund të jetë shoqatë por jo PD.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
