Eksperti i teknologjisë Shahin Dokuzi, përmes një lidhje në skype për edicionin e lajmeve në MCN TV foli mbi mashtrimet financiare online dhe alarmin e dhënë nga OKB.
I pyetur mbi një mesazh mashtrues që pretendonte të ishte nga banka “Raiffeisen”, që raportohet të ketë mbërritur në telefonat e shumë qytetarëve, Dokuzi këshilloi që të kontrollohen mirë domain-et dhe të kontaktohet banka për verfikim në raste të ngjashme.
Ai thekson se zakonisht synohen të dhënat e kartës, por ka edhe raste kur merren të dhënat e telefonave për shantazh.
“Mashtrimet kibernetike bëhen online, kompjuterëve, celularëve. Për të shmangur mashtrimin, bankat zakonisht çojnë mesazh me emrin e tyre, jo me numër. Duhet të shohim domain-in, që ishte Raiffeisen lidhje, që kuptohet që ishte mashtrim. Por edhe nëse është i përafërt, sërish duhet të pyesim bankën. Raiffeisen e ka gjithmonë Raiffeisen.al. Duhet të jemi të kujdesshëm kur paguajmë me karta. Ata synojnë kartën, të marrin kartën. Ose të marrin të dhënat e telefonit dhe të bëjnë shantazh. Sa i takon mashtrimit në kriptomonedha zakonisht hiqen si investitorë. Të thonë investo X vlerë dhe do marrësh X vlerë. Nëse të ikin paratë, s’ti kthejnë dot mbrapsht. Për shumë nën 100 mijë dollarë s’niset asnjë raportim".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
