Autoritetet turke arrestuan të shtunën 47 anëtarë të tjerë të bashkisë së Stambollit të akuzuar për korrupsion, mes një goditjeje të zgjeruar kundër opozitës dhe kryebashkiakut të burgosur.
Kryebashkiaku i Stambollit Ekrem Imamoglu, i cili është rivali kryesor politik i Presidentit Rexhep Tajip Erdogan dhe e kryeson atë në disa sondazhe, u arrestua në muajin mars dhe ndodhet në pritje të gjyqit mbi akuzat për korrupsion dhe ndihmë ndaj një grupi terrorist.
Imamoglu ka mohuar të gjitha akuzat, ndërsa arrestimi i tij shkaktoi protesta masive, trazira ekonomike dhe akuza të gjera për një gjyqësor të politizuar.
Të shtunën, televizioni NTV raportoi se sekretari i përgjithshëm i bashkisë, shefi i stafit të Imamoglu-t, kryetari dhe zëvendëskryetari i administratës së ujit dhe kanalizimeve të bashkisë (ISKI), si dhe një drejtues departamenti në ISKI u arrestuan.
Autoritetet arrestuan edhe gruan e ndihmësit të Imamoglu, Murat Ongun, raportoi NTV.
Në vijim disa zyrtarë të tjerë të lartë në bashki dhe institucione të lidhura me të janë ndaluar si pjesë e hetimit.
Arrestimet e çojnë numrin e arrestimeve që kur Imamoglu u ndalua në të paktën 150.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
