Bashkimi evropian ka propozuar një raud të ri sanksionesh ndaj Bjellorusisë pas mbështetjes që kjo e fundit i ka dhënë Moskës zyrtare.
Masat e propozuara përfshijnë ndalimin e eksportit të mallrave me përdorim të dyfishtë dhe teknologjive të përdorura për qëllime ushtarake që mund të rrisin kapacitetin industrial të vendit, sanksione për naftën, qymyrin, produktet e çelikut dhe arin, kufizimet tregtare për mallrat luksoze, investimet dhe ofrimin e shërbimeve të caktuara.
Rusia e përdori Bjellorusinë si pikënisje për të sulmuar Ukrainën shkurtin e kaluar dhe trupat e pajisjet ruse vazhdojnë të jenë të stacionuara në vend.
Ndërkohë, në terren situata vijon të jetë problematike. Zyrtarët ukrainas raportuan se raketat ruse vranë të paktën 10 civilë e plagosën mbi 20 persona teksa në lindje të vendit vazhdojnë luftimet e ashpra.
Presidenti i Ukrainës, Volodimir Zelenski tha se luftimet ishin të ashpra në Donetsk me qëllim shkatërrimin e qyteteve dhe fshatrave.
‘Situata në front, dhe veçanërisht në rajonin e Donjeckut, mbetet jashtëzakonisht serioze. Pushtuesit po i shkatërrojnë qëllimisht dhe metodikisht këto qytete dhe fshatrat përreth tyre. Ushtrisë ruse nuk i mungojnë mjetet e shkatërrimit. Dhe kjo mund të ndalet vetëm me forcë.
Ndërkohë, sekretari i Këshillit të SIgurisë Kombëtare dhe Mbrojtjes së Ukrainës, Oleksi Danilov ka paralajmëruar një ofensivë ushtarake të Rusisë më 24 shkurt, e cila shënon edhe 1 vjetorin e nisjes së luftës në Ukrainë.
Nga ana tjetër, vendet perëndimore kanë dakortësuar ti dorëzojnë Ukrainës më shumë se 300 tanke për të përballuar sulmet ushtarake që vijnë nga Rusia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
