Derbi mes Tiranës dhe Partizanit nuk prodhoi fitues. Supersfida e javës së 15-të, u mbyll në barazim 1-1.
Një përballje e luftuar nga fillimi deri në fund, por nuk kishte fitues. Bardheblutë kaluan të parët në avantazh, teksa në minutën e 28-të, ishte Florent Hasani që zhbllokoi sfidën me një supergol.
Një lëvizje e zgjuar nga stoli e trajnerit Abilaliaj, vendosi baraspeshën. Në minutën e 80-të, Keko shfrytëzoi një pasim të marrë në zonë dhe shënoi golin e barazimit.
Rezultati nuk ndryshoi dhe në fund skuadrat ndanë pikët. Me këtë barazim, Partizani mban vendin e dytë me 29 pikë, 4 më pak se Egnatia kryesuese, ndërsa Tirana renditet në vendin e tretë me 22 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
