Sërisht drogë nga Shqipëria në drejtim të Greqisë. Policia e shtetit fqinj ka finalizuar me sukses një tjetër operacion antidrogë, ku janë sekuestruar rreth 68 kg kanabis, si dhe janë vënë në pranga 5 persona, mes të cilëve edhe 2 shqiptarë.
Lajmi bëhet i ditur nga mediat greke, sipas të cilave, dy shqiptarët 36 e 42 vjeç dhe tre shtetasit grekë, ishin pjesë e një bande të mirëorganizuar trafikantësh. Ata janë zbuluar gjatë një operacioni antidrogë në kryeqytetin grek, ku u evidentua një magazinë të mbushur plot me kanabis.
Pas peshimit rezultoi se droga kishte peshë të përgjithshme 68 kg. Një 70-vjeçar grek i arrestuar ishte pikërisht përgjegjës për ruajtjen e magazinës.
Hetuesit konfiskuan gjithashtu një shumë parash prej 2040 Euro, një makinë, 17 celularë dhe një peshore elektronike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
