Presidenti iranian, Ebrahim Raisi, refuzoi t'i jepte gazetares Christiane Amanpour, një intervistë të dakorduar më parë me CNN, pasi ajo nuk pranoi të mbante shami. Intervista ishte parashikuar të bëhej në Nju-Jork. Amanpour e ka treguar historinë në Tuiter, duke e shoqëruar me foton e karriges përballë bosh, në pritje për presidentin iranian.
"Protestat përfshijnë Iranin dhe gratë djegin hixhabin pas vdekjes së Mahsa Amini javën e kaluar, pas arrestimit të saj nga "policia e moralit". Grupet e të drejtave të njeriut thonë se të paktën 8 persona janë vrarë”, shkruan gazetari.
“Në orët e fundit, televizioni shtetëror i Teheranit ka deklaruar se të vdekurit do të ishin 17, duke përfshirë një numër të paspecifikuar agjentësh. OJQ-ja “Iran Human Rights” me seli në Oslo deklaron se janë vrarë të paktën 31 civilë. Mbrëmë desha ta pyes Presidentin Raisi për këtë dhe shumë të tjera. Do të ishte intervista e tij e parë në tokën amerikane, gjatë vizitës së tij në Nju-Jork për Asamblenë e Përgjithshme të Kombeve të Bashkuara - vazhdon Amanpour -. Pas javësh planifikim dhe tetë orë përgatitje për përkthim, ndriçim dhe kamera, ishim gati. Por, nga presidenti Raisi nuk ka gjurmë. Dyzet minuta pas fillimit të planifikuar të intervistës, mbërriti një asistent. Presidenti, na tha ai, më sugjeroi të mbani shaminë, sepse jemi në muajt e shenjtë të Muharremit dhe Safarit. Unë refuzova me mirësjellje. Jemi në Nju-Jork, ku nuk ka asnjë ligj apo traditë në lidhje me vellon. Theksova se asnjë president i mëparshëm iranian nuk e kishte përsëritur këtë kërkesë kur i intervistova jashtë Iranit. Asistenti sqaroi se intervista nuk do të bëhej nëse nuk do të kisha veshur vellon. Ai tha se ishte "çështje respekti" dhe iu referua "situatës në Iran" duke aluduar për protestat në vend. Edhe një herë e përsërita se nuk mund ta pranoja këtë kusht të paprecedentë dhe të papritur. Dhe kështu u larguam. Intervista nuk u zhvillua. Ndërsa protestat vazhdojnë në Iran dhe njerëz po vriten, do të kishte qenë një moment i rëndësishëm për të folur me Presidentin Raisi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
