Sirianët votojnë sot për qeverisjen vendore, në të parat zgjedhje që nga fillimi i luftës. Rreth 6551 qendra votimi janë hapur në pjesën e vendit që kontrollohet nga qeveria.
Sirianët duhet të zgjedhin përfaqësuesit e tyre në këshillat lokale. Rreth 40 mijë kandidatë garojnë për 18 478 vende.
Autoritetet thonë se kanë marrë të gjitha masat për të garantuar paprekshmërinë e kutive të votimit. Zgjedhjet e së dielës, të parat që nga fillimi i luftës në vitin 2011, mbahen në një atmosferë dhune, ndërsa një pjesë e vendit është shkatërruar nga lufta.
Ndërkohë, nuk votohet në zonat që nuk kontrollohen nga qeveria, si pjesa verilindore nën kontrollin e kurdëve apo provinca e Idlibit, ku jetojnë 3 milionë njerëz.
Sipas AFP-së, në krahasim me zgjedhjet parlamentare dhe presidenciale, më pak votues u janë drejtuar qendrave të votimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
