Kreu i Kuvendit, Ilir Meta, u ka dërguar një letër krerëve të grupeve parlamentare, përmes së cilës kërkon të dorëzohen propozimet për emrat e komisioneve të vetingut. Afati për dorëzimin e tyre është ora 16:00 e ditës së sotme, dy orë para nisjes së seancës së jashtëzakonshme parlamentare.
Dy projektvendimet që do të hidhen për miratim sot në Parlament janë ai “”Për procedurat parlamentare për funksionimin e komisioneve ad hoc dhe realizimin e procesit të votimit sipas ligjit “Për rivlerësimin kalimtar të gjyqtarëve dhe prokurorëve” dhe projektvendimi “Për krijimin dhe përbërjen e komisionit ad hoc për verifikimin e kandidatëve për institucionet e rivlerësimit sipas ligjit “Për rivlerësimin kalimtar të gjyqtarëve dhe prokurorëve”. Të dyja vendimet kërkojnë shumicë të thjeshtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
