Italia ka thirrur ambasadorin francez për sqarime në Ministrinë e Jashtme në Romë. Kjo lëvizje vjen pas mosmarrëveshjeve diplomatike që pasuan vendimin e qeverisë italiane për të mos pritur një anije me mbi 600 emigrantë, të shpëtuar në Mesdhe.
Presidenti francez, Emmanuel Macron, të martën kritikoi "cinizmin dhe papërgjegjshmërinë e qeverisë italiane", duke lënë të kuptohet se kjo mund të vërë në diskutim mbajtjen e një takimi midis Macron dhe kryeministrit italian, Giuseppe Conte, i parashikuar për të premten.
Ministri i ri i brendshëm i Italisë, Matteo Salvini, i cili është gjithashtu kreu i partisë së djathtë ekstreme, njëra prej aleateve në qeverisje, është zotuar se do të ndjekë një vijë të ashpër ndaj emigrantëve.
Vendimi i tij për mbylljen e porteve të vendit erdhi vetëm një ditë pasi 7 milionë italianë votuan në zgjedhjet lokale, duke ia shtuar mbështetjen partisë së Salvinit, Lega.
Autoritetet spanjolle njoftuan të hënën se do të lejonin që anija të vendosej në portin e Valencias për të shmangur një katastrofë njerëzore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
