Një sasi prej 570 kilogramë kanabis është sekuestruar ditën e djeshme në afërsi të pikës së kalimit kufitar të Qafë-Thanës.
Lënda u gjet e fshehur në shasinë e një furgoni mallrash me ngjyrë të bardhë, i cili do të udhëtonte drejt Maqedonisë, ndërsa destinacioni përfundimtar nuk dihet ende.
Policia ka arrestuar 7 persona, ndërsa një tjetër është shpallur në kërkim.
Ndërkohë vijojnë hetimet për zbardhjen e skemës sipas të cilës do të bëhej trafikimi i lëndës narkotike dhe për identifikimin e të tjerë personave të përfshirë.
Mjeti me targë AA 356 NA rezulton të jetë në pronësi të një biznesi nga Qarku i Fierit.
Operacioni u finalizua pas hetimeve disamujore që nisën pas informacioneve se me këtë furgon trafikohej sasi e madhe droge me destinacion një nga vendet fqinje.
Dyshohet së pjesë e këtij rrjeti është një organizatë kriminale me fuqi të madhe ekonomike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
