Ish-deputeti socialist, Koço Kokëdhima, thotë se situata e rendit dhe sigurisë në vend është e rëndë, por pavarësisht kësaj, koalicioni qeverisës nuk rrezikohet, pasi funksionon në mënyrë fiktive.
“Koalicion që nuk i arriti pritshmëritë e duhura sipas meje. Nuk u shfrytëzua si duhet koha e këtij mandate, që kaloi me qëllim që ky koalicion të adaptonte standarde të larta qeverisëse. Duhesh të bënte reforma për t’ia hequr pushtetin një grushti njerëzish dhe për t’ia kthyer popullit, i cili është defaktorizuar plotësisht në këtë tranzicion dhe sot është në një gjendje që nuk merr pjesë në asnjë vendimarrje duke ushtruar vullnetin me votën e lirë”, tha ai.
Kokëdhima i bëri këto deklarata gjatë një bashkëbisedimi me studentët e Universitetit të Vlorës, të cilët u njohën me shtyllat kryesore të lëvizjes së tij brenda PS-së, të cilën e ka pagëzuar me emrin “Zgjidhja”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
