Mediu: Në takimet e Strasburgut nuk është diskutuar largimi i Berishës 

Kreu i PR Fatmir Mediu tha në MCN Live se gjatë takimeve në Strasburg nuk është diskutuar fare largimi i Berishës.

Mediu tha që deputetëve opozitarë nuk u është kërkuar që të dilet me një tjetër kandidat për kryeministër.  

“Unë kam qenë në Strasburg dhe s’është aspak e vërtet që është kërkuar të dilet me një kandidat për kryeministër.

Kam qenë në të gjitha takimet, dhe kjo është një gënjeshtër e madhe, s’është diskutuar fare për këtë çështje.

Është diskutuar për krimin, korrupsionin, zgjedhjet e lira dhe të ndershme, problemet kushtetuese.

Një organizim i tillë në Strasburg duhet të vazhdojë. Dhe nëse vazhdon opozita do ketë një mbështetje të rëndësishme në zgjedhjet parlamentare të majit apo prillit”
 

Ai tha se në zgjedhje duhet të dilet me një logo opozitare, ku të përfshihet edhe logoja e PD-së dhe partive të tjera. Mediu shtoi se mund të ketë edhe dy koalicione opozitare, që vepojnë si koalicione politike të përbashkëta, por elektoralisht të ndara.