Të paktën 13 persona kanë humbur jetën dhe 25 të plagosur si pasojë e rrëshqitjeve të dheut në Kaliforninë Jugore, ku reshjet e dendura të shiut kanë shkaktuar përmbytje.
Shirat e dëndur kanë shkaktuar rrëshqitje dherash, duke përfshirë dhjetra shtëpi dhe ka bllokuar rrugët, duke e detyruar ekipet e shpëtimit të përdorin helikopterë që të largojnë njerëzit nga çatitë.
Zyrtarët konfirmojnë se rreth 163 persona janë dërguar në spital, ndër të cilët 4 me plagë të rënda. Policia e ka përshkruar situatën si “një fushëbetejë të Luftës së Parë Botërore”.
Kjo është hera e dytë që mijëra banorë kalifornianë detyrohen të evakuohen brenda dy muajsh. Ndërkohë, shërbimet e emergjencës paralajmërojnë për mundësinë e rritjes së bilancit të viktimave.
Stuhitë përmbi Kaliforni pritet të sjellin 10 deri në 18 cm shi në zonat e ulëta dhe deri në 23 cm në zona të tjera.
Kjo situatë vjen në vazhdimësi të fenomeneve shkatërruese natyrore që kanë prekur Shtetet e Bashkuara gjatë 2017, vit i kthyer në më të kushtueshmin sa i përket dëmeve nga katastrofat e lidhura me motin dhe klimën.
Shirat e dëndur që kanë përfshirë Kalifornin, vijnë pas flakëve shkrumbuese një muaj më parë duke shkatërruar zonën dhe duek djegur mijëra hektarë pyje duke bërë që rrëshqitjet nga shirat e dendur praktikisht janë të pashmangshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
