Ministri i Jashtëm Igli Hasani, reagon për vdekjen e opozitarit rus në burg, Alexei Navalny.
Me anë të një mesazhi në rrjetin social X, kryediplomati shqiptar thotë se ndihet thellësisht i trishtuar nga lajmi i vdekjes së Alexei Navalny në një burg rus.
Navalny jetoi dhe vdiq pa bërë kompromise kur vinte puna për vlerat e demokracisë dhe të drejtave të njeriut, duke u bërë një simbol dhe frymëzim për shumë njerëz.
Vdekja e tij është një kujtesë e trishtë se sa larg këtyre vlerave është sot Rusia.
Disidenti rus dhe opozitari kryesor Alexei Navalny, 49 vjeç, gjeti vdekjen ditën e sotme në koloninë e burgut numër 3 të Qarkut Autonom Yamalo-Nenets, në Rrethin Arktik, ku vuante një dënim prej 19 vitesh burg.
Ai u ndje keq, pas një shëtitje dhe më tej ndërroi jetë, njoftoi nga Shërbimi Kombëtar i Burgut të Rusisë.
Ndërkohë mediat ruse raportojnë se shkak për vdekjen e Navalny është bërë një trombozë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
