<p>Në studion e MCN Informacion, gazetarët Oliverda Allmuça dhe Andon Kello ndanë me shikuesit përvojën e përditshme dhe sfidat e profesionit. </p> <p>Allmuça u shpreh se më shumë sesa profesion, gazetari është pasion.</p> <blockquote> <p><em>E kam nisur gazetarinë shumë herët. Nuk ke nevojë të shkosh e të studiosh sepse gazetarinë o e ke o nuk e ke. Kur fillova punë në 2015, portalet kishin marrë bumin. Unë punoja në një portal të vjetër dhe kishte njëfarë filtri. </em></p> </blockquote> <p>Ndërsa Kello u shpreh se duhet një status i veçantë për gazetarin.</p> <blockquote> <p><em>Bëhet fjalë për sfidat e gazetarit. Është individi që trajton fenomenin dhe profesionin. Është e vërtetë që gazetarët më parë kanë punuar në kushte të vështira. </em></p> <p><em>Gazetaria nuk është vetëm pasion. Është punë. Ne kemi pasur një kolegun tonë që kundërshtoi kryeministrin, e syrgjynosën. Jam pro një statusi ligjor të veçantë për gazetarët. Është edhe argumenti që gazetari duhet të jetë i lirë. </em></p> </blockquote> <p>Lidhur me sfidat e profesionit, Allmuça u shpreh se përballet shpesh me mungesën e zërave të ekspertëve.</p> <blockquote> <p><em>Në gazetarinë e terrenit ka shumë sfida. Na mungon pjesa investigative. Na mungon gazetaria cilësore. Sfida më e madhe janë kasetat e gatshme. Nuk e shmangim dot. Në momentin që flasim kemi në dorë vetëm kërkesën për informacion. </em></p> <p><em>Deri në momentin që e gjithë industria do të gjejë momentin për të sfiduar këtë. </em></p> <p><em>Jemi te gazetaria deklarative. Tentativat tona për të shkuar më tej shpesh dështojnë, sepse ekspertët e mirë mungojnë. Ose janë larguar ose mbajnë profil të ulët. </em></p> <p><em>Jetojmë në një vend të tejmbushur me media informative. Ne jemi gazetarë, nuk bëjmë dot ekspertizën. </em></p> </blockquote> <p>Ndërsa Kello u shpreh se media ka censurë dhe propagandë dhe kjo i dekurajon ata që e shohin këtë punë më shumë si pasion sesa si profesion. </p> <blockquote> <p><em>Ka censurë dhe propagandë në media. E shohim çdo ditë. Ky profesion është bërë shumë më pak pasionant se ka qenë vite më parë. Ne gazetarët e politikës bëjmë të gjithë të njëjtën punë. Është tepër e vështirë. Mund të shohësh deputetë të PS që mund t’i pyesësh dhe për projektligjet dhe nuk flasin se nuk kanë marrë lejen. Raporti politikë-media është tepër jo i shëndetshëm. </em></p> </blockquote> <p> </p> <p> </p> <p> </p> <p> </p> <iframe width="1250" height="703" src="https://www.youtube.com/embed/j8P1R1WoyNs" title="Hasimja: Media, instrument për kërkim favoresh nga qeveria. Kokona: Sot mungon ndjekja e lajmit" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
