Deputetja e Partisë së Lirisë Monika Kryemadhi është paraqitur ditën e sotme në SPAK, në respekt të masës së sigurisë “detyrim paraqitje”.
Në dalje të Prokurorisë së Posaçme lidhur me zërat për shkrirjen e SPAK, deklaroi se ka dështuar në misionin e drejtësisë.
Në momentin që kthehet në një vegël shantazhimi dhe linçimi ndaj opozitës ka abortuar në misionin e vet të drejtësisë.
SPAK nuk është krijuar për të bërë luftë politike por të luftojë krimin e terrorizmin
Ndërkohë ish-bashkëshorti i saj Ilir Meta u arrestua më 21 tetor për dosjen e skandalit të lobimit të Partisë së Lirisë në SHBA, asokohe LSI, dhe CEZ-DIA.
Meta dhe Kryemadhi akuzohen për veprat penale “Pastrimi i produkteve të veprës penale ose veprimtarisë kriminale”, “Korrupsion pasiv i funksionarëve të lartë shtetërorë ose të zgjedhurve vendorë”, “Refuzim për deklarim, mosdeklarimi, fshehja dhe deklarimi i rremë i pasurive, interesave private të personave të zgjedhur dhe nëpunësve publikë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
