Policia njofton se në rrugën nacionale Korçë - Bilisht, pranë kryqëzimit të fshatit Plasë, ka ndodhur një aksident automobilistik, ku janë përplasur dy mjete përkatësisht automjeti me targa AA 251 EP dhe mjeti tip furgon me targa AA 519 EX me drejtues shtetasin N.T.
Për pasojë kanë humbur jetën shtetasit F.I dhe N.A gjatë transportimit për në Spital. Gjithashtu mësohet se janë dëmtuar 3 persona konkretisht shtetasit L.K; I.G; A.B.
Nga të dhënat paraprake rezulton se personat e dëmtuar si edhe viktima, janë punonjës policie në IEVP-Drenovë, të cilët nuk kanë qenë me shërbim, në momentin kur ka ndodhur aksidenti.
U ngrit grupi hetimor dhe po punohet për zbardhjen e shkaqeve të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
