Kryeministrja serbe Ana Brnabiç tha sot se ndalimi i hyrjes së zyrtarëve serbë në Kosovë është një lajm i pavërtetë, raporton sot “Blici” serb.
Siç tha ajo, këtë e mësoj sot nga kryeministri i Kosovës Ramush Haradinaj, i cili, ashtu si ajo, po qëndron në Poloni në samitin e liderëve të Ballkanit Perëndimor në Poznan.
“Unë jam e kënaqur që kam dëgjuar nga Ramush Haradinaj se bëhët fjalë për një lajm të rremë se zyrtarët serbë janë ndaluar të vizitojnë Kosovën”, - tha kryeministrja, por ajo vuri në dukje se "është e çuditshme se si ky lajm i rremë përhapet nga këshilltarët e të ashtuquajturit Ministër të Punëve të Jashtme".
Kryeministrja serbe Brnabiç u shpreh se atë që i bëri të ditur Haradinaj se ky ishte një "lajm i rremë", megjithatë kjo sadopak ulë tensionet, të cilat sipas saj janë të larta në rajon.
Lajmi për t’u ndaluar hyrjen zyrtarëve serbë në Kosovë ishte bërë i ditur nga këshilltari i ministrit të Punëve të Jashtme të Kosovës, Behgjet Pacolli, Jetlir Zyberaj i cili tha se ky vendim pasoi pas zhvillimeve të ditëve të fundit në komunat me shumicë serbe në veri të Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
