Një viktimë e turizmit mjekësor në Turqi, raportohet të ketë ndodhur së fundmi. Bëhet fjalë për një nënë 26-vjeçare nga Mançesteri, e cila shkoi në Turqi për ngritjen e të pasmeve, një operacion plastik mjaft i zakonshëm tek femrat.
Demi Agoglia, 26 vjeç, nga Salford, Mançester, dyshohet se ka pësuar një atak në zemër të shkaktuar nga një emboli dhjamore, edhe pse mjekët thanë se operacioni i saj ishte i suksesshëm dhe ajo ishte nxjerrë nga spitali dhe po përgatitej të kthehej në shtëpi.
Agoglia, në hotelin ku po qëndronte për pak kohë me bashkëshortin e saj, u ankua për dhimbje gjoksi vetëm disa orë para se të kthehej në Mançester, raporton The Sun.
Sipas familjes së saj, ajo u kthye me urgjencë në klinikën e Stambollit për kontroll, por pësoi atak në zemër ndërsa ishte në një taksi që po e çonte në spital.
Burri i saj, Bradley Jones, tentoi që t’i vinte në ndihmë por pa rezultat. Nëna e re ishte akull e ftohtë kur mbërriti në spital, pavarësisht se mjekët e çuan në terapi intensive.
E reja u deklarua e vdekur të hënën.
Vëllai i 26-vjeçares, Carl, i cili është 37 vjeç, tha se familja dhe partneri i saj u përpoqën ta ndalonin që të vazhdonte operacionin pasi ata ishin të shqetësuar për sigurinë e saj, por ajo ishte e bindur. Madje, ajo kishte shkuar edhe herë tjetër në Turqi për një operacion në dhëmbë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
