Policia ndërhyn gjatë natës për të shpërndarë protestuesit e “Shqipëria Bëhet”, Lapaj përfundon në spital

Gjatë natës së lënë pas, policia ndërhyri për të shpërndarë protestuesit e “Shqipëria Bëhet” të cilët prej afro një muaji, vijojnë të qëndrojnë para Kryeministrisë.

Gjatë ndërhyrjes për shpërndarjen e tyre dhe çmontimin e çadrës së ngritur, mësohet se ka mbetur i dëmtuar dhe ka përfunduar në spital, drejtuesi i lëvizjes, Adriatik Lapaj.

Me anë të një mesazhi në rrjetet sociale, Lapaj e paralajmëron Kryeministrin se nuk do të tërhiqet.

Edi Rama të bëj përgjegjës ty! Miq, mbrëmë pas mesnate dhjetëra forca të Edi Ramës u sulën të tërbuar mbi ne. 

 

I gjendur përballë dhunimit të së drejtës sime Kushtetuese për të shprehur mendimin tim përmes protestës, nuk kam lëvizur. Kam nisur të filmoj. 

 

Nga veprimet e tyre një prej ngrohëseve më ka goditur.  Ndodhem te Spitali i Traumës ku po kryej ekzaminimet. Sërish do kthehem në shesh. Edi Rama unë nuk të kam frikë. Përkundrazi! 

 

Ti je kreu i një bande dhe do mbash përgjegjësi.  I bëj thirrje kujtdo të bashkohet kundër hajdutëve!