Hetimet për CEZ, komisioni fletëthirrje për Nuel Kalajn: Të vijë për të dëshmuar

Komisioni Hetimor për Ceshtjen CEZ ka dërguar një fletë­thirrje në adresë të Nuel Kalaj, në të cilën thuhet se ai duhet të paraqitet në cilësinë e dëshmitarit në Komisionin Hetimor për CEZ.

Por në zarfin e Postës thuhet se Nuel Kalaj është larguar nga Shqipëria. Në seancën e kaluar të Komsionit Hetimor, Kalaj nuk u paraqit.

Kreu i komisionit, Taulant Balla kërkoi që ai të merret forcërisht. Taulant Balla deklaroi pak ditë më parë se është kërkuar që të dëshmojë në këtë komision një tropojan i quajtur Nuel (Nue) Kalaj, i cili, në bazë të një letre që komisioni ka në zotërim, sipas Ballës, rezulton të jetë “sekseri” i marrëveshjes së qeverisë shqiptare me CEZ.

Po sipas një letre të bërë publike nga Balla, Nuel (Nue) Kalaj ka ndërmjetësuar një takim të djalit të ish­kryeminsitrit Sali Berisha, Shkëlzen Berishës me drejtorin çek në Shqipëri, Josef Hejsek, gjë e cila dëshmohet në një letër që vetë Hejsek i dërgon n/drejtorit të CEZ­it në Pragë, Tomas Pleskac, edhe ky pjesë e takimit.