Qindra mijëra njerëz po marshojnë në Hong Kong kundër ligjit, i cili sipas kritikëve mund të lejojë që kundërshtarët politikë të Kinës të hyjnë në territor.
Protestat mendohet të jenë ndër më të mëdhatë që nga Lëvizja Umbrella e vitit 2014, ku qindra mijëra vetë dolën të protestonin nëpër rrugë.
Projekt-ligji kontradiktor i ekstradimit mund të lejojë që kriminelët e dyshuar të dërgohen në Kinë për gjykim.
Udhëheqësi i Hong Kongut, Carrie Lam, ka nxitur miratimin e ndryshimeve në ligj para korrikut. Mbështetësit e këtij projekt-ligji thonë se ekzistojnë masa mbrojtëse për të parandaluar që dikush të përballet me persekutim fetar apo politik, teksa ekstradohet në territorin e Kinës.
Por kritikët e tij thonë se ata të ish-kolonisë britanike do të ishin të ekspozuar ndaj sistemit të drejtësisë problematik të Kinës, çka do të çonte në dëmtim mëtejshëm të pavarësisë gjyqësore.
Protestuesit, një gamë e gjerë njerëzish: biznesmenë, avokatë, studentë, figura pro-demokraci dhe grupe fetare, marshuan në të nxehtin e madh veshur me të bardha.
"Ky është fundi i lojës për Hong Kongun, është çështje jete ose vdekjeje. Prandaj kam ardhur. Ky është një ligj i keq", tha një nga protestuesit. /Sipas BBC/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
