Kryeministri kanadez Justin Trudeau ka akuzuar Facebook se i vendos “fitimet përpara sigurisë së njerëzve” pasi bllokoi lajmet mes zjarreve shkatërruese në vend.
Facebook ndaloi lajmet në platformën e tij në përgjigje të ligjit kanadez që e detyronte atë të ndajë fitimet me mediat.
Të evakuuarit nga zjarri kanë thënë se ndalimi ka ndikuar në aftësinë e tyre për të ndarë lajme kritike me njëri-tjetrin.
Kryeministri, gjatë një konference televizive për shtyp të hënën, tha se veprimet e Metës ishin "të pakonceptueshme".
Kompania ka bllokuar lajmet në Facebook dhe Instagram në Kanada që nga 1 gushti, pasi parlamenti i vendit miratoi një projekt-ligj të lajmeve në internet që kërkon që platformat si Google dhe Meta të negociojnë marrëveshje me botuesit e lajmeve për përmbajtjen.
Që atëherë, Meta është përballur me kritika të konsiderueshme nga zyrtarët kanadezë. Të shtunën, ministri kanadez i trashëgimisë, Pascale St-Onge, tha në një postim në mediat sociale se kompania po bllokon "informacionet thelbësore" për përdoruesit.
Ajo shtoi se kjo po bëhet pavarësisht se ligji - i quajtur Bill C-18 ose Ligji i Lajmeve Online - nuk ka hyrë ende në fuqi. Në një postim të mëhershëm, ajo e ka quajtur “të pamatur” vendimin e Metës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
