Turqia po zhvillon bisedime me Shtetet e Bashkuara të Amerikës për ndërtimin e centraleve bërthamore në shkallë të gjerë dhe reaktorëve të vegjël modularë (SMR), tha të martën një zyrtar i lartë i Ministrisë së Energjisë turke.
“SHBA-të po tregojnë interes serioz për qëllimin e Turqisë për të rritur kapacitetin e saj të energjisë bërthamore dhe ndërtimin e termocentraleve të reja”, tha zyrtari Yusuf Ceylan për Reuters në një konferencë për termocentralet bërthamore.
I pyetur për projektet në diskutim, ai tha se mund të konsiderohen zonat e termocentraleve ekzistuese apo termocentraleve të reja.
Jemi duke negociuar me SHBA-në për termocentrale në shkallë të gjerë dhe për reaktorë të vegjël modularë.
Jeff Flake, ambasadori i SHBA në Turqi, tha muajin e kaluar se Ankaraja bisedoi me SHBA dhe të tjerët për ndërtimin e reaktorëve të vegjël modularë.
Ne po punojmë me ta në përpjekje për të pakësuar varësinë nga Rusia në çfarëdo mënyre të mundemi.
Ndërtimi i termocentralit të parë bërthamor të Turqisë 4800 MW nga Rosatom i Rusisë po vazhdon në Akkuyu në rajonin e Mesdheut të Turqisë.
Turqia planifikon të ndërtojë tre centrale bërthamore me katër reaktorë dhe t’i plotësojë ato për një kapacitet gjenerues gjithsej 20.000 MW për të diversifikuar përzierjen e prodhimit të energjisë elektrike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
