Gjibraltari është territor i Britanisë në jug të Spanjës, dhe tani zyrtarisht mund të quhet qytet, 180 vite pas statusit që i dha mbretëresha Victoria.
Territori britanik përtej detit bëri kërkesë për t’u bërë qytet në fillim të këtij viti, si pjesë e jubileut Platinum të Mbretëreshës.
Por kur studiuesit shikuan Arkivat Kombëtare, zbuluan se ai ishte njohur tashmë si i tillë në 1842. Kështu Gjibraltari ka rimarrë statusin. Boris Johnson e përshkroi si një arritje të madhe.
Gjibraltari ka qenë territor britanik përtej detit që nga viti 1713, kur iu dorëzua Britanisë sipas një traktati paqeje të nënshkruar pas Luftës Spanjolle.
Në një konkurs jubilar, 39 vende aplikuan për t’u bërë qytete dhe tetë prej tyre, përfshirë Doncaster, Bangor dhe Dunfermline, përfundimisht iu dha statusi.
Statusi i qytetit shpesh shoqërohet me të pasurit një katedrale, universitet ose popullsi të madhe, por nuk ka rregulla të caktuara për dhënien e tij, jepet nga monarku me këshillën e ministrave.
Ai sjell pak përfitime materiale, megjithëse shpesh mund t’u japë një shtysë komuniteteve duke i vendosur ato në hartë dhe zakonisht është një burim krenarie për banorët.
Qeveria tha se Gjibraltari ishte hequr nga listat zyrtare pasi iu dha titulli fillimisht nga Mbretëresha Victoria, por nuk është e qartë se si ndodhi kjo. Tani është publikuar një rekord i përditësuar i 81 vendeve të emërtuara si qytete.
Gjibraltari është një nga vetëm pesë që janë njohur jashtë Mbretërisë së Bashkuar. Hamilton në Bermuda, Jamestown në Saint Helena dhe Douglas në Isle of Man ishin tashmë në listë, ndërsa Stanley në Ishujt Falklands ishte në mesin e atyre që u emëruan për jubileun këtë vit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
