Pranë një koshi mbeturinash/ Gjendet një foshnje e pajetë në lagjen “Ali Demi”

Një foshnje është gjetur e pajetë sot në lagjen 'Ali Demi' në Tiranë, përkatsisht në një kosh mbeturinash te ‘Ali Demi’.

Pasi është gjetur në një kuti kartoni, foshnja po transportohet për në morg.

NJOFTIMI I POLICISË:

Në lagjen “Ali Demi”, mbrapa ish-markatës së vjetër, në koshin e mbeturinave është gjetur pa shenja jete një foshnje i gjinisë mashkullore.

Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes, identifikimin dhe shoqërimin e shtetasit/es që ka hedhur në kosh foshnjën.

Ndërkohë bëhet e ditur se Policia ka identifikuar dhe shoqëruar në ambientet e Komisariatit të Policisë Nr.1, 32 vjeçaren me iniciale H.M.

Nëna e foshnjës së pajetë është banuese në Gjirokastër.