Një avion An-26 me 28 persona në bord u zhduk nga radarët në rajonin Kamchatka, në pjesën lindore të Rusisë. Lajmi është bërë i ditur nga Agjencia Franceze e Lajmeve.
Mësohet se 22 prej personave në bord kanë qenë pasagjerë, ku mes tyre është një fëmijë.
“Një helikopter i trupave të Ministrisë të Situatave të Emergjencës ruse po përgatiten për një mision kërkimi dhe shpëtimi”, thanë burimet.
Dy helikopterë u mobilizuan për të kërkuar aeroplanin. Sipas disa burimeve, avioni mund të jetë përplasur në det ose mund të jetë përplasur në tokë afër një miniere qymyri në zonën e Palana.
Rrëzimi i fundit serioz i avionit në Rusi daton në maj të vitit 2019, kur një Sukhoi Superjet i ndërmarrjes kombëtare Aeroflot u detyrua të bënte një ulje emergjente dhe mori flakë në pistën e një aeroporti të Moskës, duke vrarë 41 persona.
Në shkurt 2018, një Saratov Airlines AN-148 u rrëzua pak pas ngritjes pranë Moskës për shkak të gabimit njerëzor, duke vrarë të gjithë 71 personat në bord.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
