Amerika po dislokon më shumë avionë luftarakë në Lindjen e Mesme në atë që shihet si një "demonstrim force", ndërsa tensionet përshkallëzohen dhe spekulimet rreth një sulmi të mundshëm të SHBA-së ndaj Iranit vazhdojnë.
Fotografitë dhe të dhënat e gjurmimit të fluturimit tregojnë avionë luftarakë F-35 dhe avionë cisternë që lëvizin drejt rajonit, si dhe caktimin e detyrës së një transportuesi aeroplanësh, duke ofruar mundësi në rast se Presidenti Trump jep “OK”-in për ndërhyrje.
Por një avion i veçantë që nuk është parë ende, bombarduesi i fshehtë B-2, që mund të zbulojë më shumë rreth qëllimeve të Amerikës ndaj Iranit. Avionët mund të shpërndahen rreth disa bazave ushtarake ekzistuese që SHBA-të kanë në rajon, si Bahrein, Katar, Emiratet e Bashkuara Arabe, Kuvajt dhe Arabinë Saudite.
Analiza e Sky News e të dhënave të gjurmimit të fluturimit tregon se më shumë se 30 aeroplanë ushtarakë amerikanë kanë qenë aktivë mbi pjesë të Evropës dhe Detit Mesdhe gjatë tre ditëve të fundit.
Këto përfshijnë aeroplanë të përdorur për zbulim, furnizim me karburant, si dhe transportimin e ngarkesave. Një regjistrim i kontrollit të trafikut ajror nga SHBA-ja sugjeron se avionë luftarakë F-22 Raptor po dërgohen përtej Atlantikut.
Dy cisterna furnizimi me karburant janë të dukshme në të dhënat e gjurmimit të fluturimit që largohen nga bregu lindor i SHBA-së, me shumë mundësi duke shoqëruar avionët luftarakë të fshehtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
