Mbrojtja ndërkombëtare e ish-kryebashkiakut të Tiranës, Erion Veliaj, ka bërë të ditur hapat e radhës ligjorë lidhur me masën e tij të arrestit.
Avokatët e huaj të kryebashkiakut të Tiranës Erion Veliaj bëjnë me dije se më 10 shtator do të çojnë çështjen e arrestit të tij në Gjykatën e Strasburgut.
Avokatët e huaj kanë dorëzuar një kërkesë zyrtare pranë SPAK-ut për të mundësuar një takim të dytë me Veliajt në ambientet e paraburgimit, pikërisht më datë 10 shtator.
Qëllimi i kësaj vizite në qeli është firmosja e autorizimeve, dokumentacionit dhe apelit zyrtar nga ana e ish-kryebashkiakut.
Këto akte do të dërgohen më pas për shqyrtim në Gjykatën Evropiane për të Drejtat e Njeriut (GJEDNJ) në Strasburg.
Sipas ekipit të tij ligjor, vendimi për ta çuar çështjen në Strasburg vjen pas dy fitoreve në Gjykatën Kushtetuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
