Aksident i rëndë në zonën e Zogut të Zi

Një aksident i rëndë ka ndodhur pak orë më para në zonën e Zogut të Zi në kryeqytet.
Një makinë është përplasur me një motor në rrugën e Durrësit. Përplasja e fortë e të dyja mjeteve ka bërë që të dalin nga rruga e më pas të përfundojnë në trotuar. Automjeti tip“Benz” është përmbysur dhe ka përfunduar në hyrje të lokalit që gjendej aty pranë.
Fotot tregojnë se makina ka përfunduar në ambientet e një lokali që ndodhej aty pranë vendit të përplasjes së mjeteve. Nuk dihet ende nëse ka të lënduar. Në vendin e ngjarjen kanë shkuar forca të shumta policore, që pritet të zbardhin rrethanat e këtij aksidenti.