Kreu i Partisë Demokratike Sali Berisha është paraqitur mëngjesin e kësaj të hëne në SPAK në zbatim të masës “detyrim paraqitje”.
Gazetari Arsen Rusta në një lidhje me studion e MCN Live bën me dije se pranë gjykatës ndodhen anëtarë të grupit parlamentar të PD, avokati i tij.
Pas daljes nga SPAK, Berisha tha:
Tani, e kuptoni vetë ju që nuk mund të ketë sot çështje tjetër përveç faktit, vendimit të famshmit KLGJ. Por para se të ndalem në këtë vendim, unë e kuptoj se ju prisni me padurim t’u rrëfej se çfarë pashë brenda unë gjatë këtij kalimi të shkurtër. Aty ishte Altin Troplini apo Poja i Skapit, i cili ishte ulur me tre personazhe, me Elvis Doçin, Altin Hajrin dhe Irenën me 5 mbiemra sepse si avokat i tyre po u bënte shpjegime për çështjet. Së dyti, ndodhej ish-xhelati i Sigurimit të Shtetit, Kraja, i cili po numëronte para me Oltion Bistrin. Po, po, se e shoh që e dëgjoni me skepticizëm. Por aty ishin të dy. Këto ishin ato që pashë unë sot.
Po ashtu Rusta tha se një tjetër seancë e rëndësishme në gjykatë është ajo e kryebashkiakut Veliaj për procesin e themelit.
Pritet të nisë një proces tjetër i rëndësishëm i cili lidhet me ditën e djeshme ku kryebashkiaku Veliaj kërkoi heqjen e masës së arrestit me burg, e cila u rrëzua. Veliaj do të jetë përballë gjykatës për procesin e themelit. Veliaj dhe bashkëshortja e tij, Ajola Xoxa do të bëjnë mbrojtjen, dhe më pas do të kalojhë prokuroria në kërkesën për gjykim nëse do të kemi kalim të plotë të themelit të kësaj çështjeje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
