50 persona kanë humbur jetën gjatë orëve të vona të natës në qytetin lindor të Maqedonisë së Veriut, Koçan, si pasojë e një zjarri që shpërtheu në një klub nate.
Ende nuk dihet numri i saktë i të plagosurve, por disa prej tyre janë transportuar për trajtim në klinikat e Shtipit dhe Shkupit.
Autoritetet nuk kanë dhënë ende detaje mbi mënyrën se si ka nisur zjarri apo shkaqet e tij.
Sipas raportimeve nga mediat vendase, flakët mund të jenë shkaktuar nga mjetet piroteknike të përdorura gjatë një performance të grupit muzikor maqedonas DNA. Në momentin e shpërthimit dhe përhapjes së zjarrit, klubi ka qenë i mbushur me njerëz.
Menjëherë pas shpërthimit, në vendngjarje kanë mbërritur ekipet e zjarrfikësve, autoambulancat dhe forcat e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
