Gazetari Muhamed Gjokaj thotë se kryeministri i Malit të Zi, Dritan Abazoviç, e ka të pamundur të çojë përpara projektin e Ballkanit të Hapur, për shkak të mungesës së mbështetjes në vend. Në një intervistë me Skype, Gjokaj tha se çdo përpjekje për këtë projekt është kohë e humbur, përsa kohë Serbia nuk njeh Kosovën.
Në Mal të Zi e përdorin se Abazoviç mund të jetë kukulla e Ramës dhe Vuçiçit për Ballkanin e Hapur. Abazoviç nuk ka mundësi politike as juridike të çojë përpara një projekt të tillë. Unë Ballkanin e Hapur e quaj Ballkani i kapur. Derisa Serbia nuk e njeh Kosovën si shtet të pavarur, është kohë e humbur. Ne nuk na bind Edi Rama se të bëhesh kumbar me Vuçiçin sjell asgjë të mirë. Nuk presim që qëllimet e Serbisë të realizohen përmes Ramës.
Sa i takon mundësisë së menaxhimit të aeroportit të Tivarit nga Kastrati Group, Gjokaj tha se çdo investim nga Shqipëria është i mirëpritur.
Përshëndesim çdo investim që vjen nga Shqipëria. Edhe në qeverinë e mëparshme ka pasur shumë investime shqiptare. Kjo nuk është risi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
