Donald Trump i ka bërë thirrje drejtpërdrejt ushtrisë së Venezuelës për të mbështetur kreun e opozitës, Juan Guaido, dhe lëshoi paralajmërimin e tij më të ashpër nëse ajo vazhdon të qëndrojë nën urdhërat e Presidentit Nicolás Maduro.
“Nuk do të gjeni asnjë liman të sigurt, asnjë dalje të lehtë dhe asnjë zgjidhje. Do t’i humbni të gjitha. Ne kërkojmë tranzicion paqësor të pushtetit, por të gjitha opcionet janë të hapura”, tha Trump gjatë një fjalimi në Unversitetin Ndërkombëtar të Floridas në Miami, ku ishin vendosur dy flamuj të mëdhënj amerikan dhe venezuelas.
Në anën tjetër, përmes një paraqitjeje në televizionin shtetëror, Maduro e ka akuzuar Trumpin për gjuhën e përdorur. Sipas tij, gjuha e presidentit amerikan është pothuajse e njëjtë me gjuhën e nazistëve dhe se ai po mendon që mund ta urdhërojë ushtrinë e Venezuelës. “Kush është komandat i forcave të armatosura? Donald Trumpi nga Miami”, tha Maduro, duke shtuar se amerikanët po mendojnë se ata janë pronarë të Venezuelës.
Gjatë fjalimit në Universitetin e Floridas, presidenti amerikan tha se e vlerëson vendosmërinë e miliona banorëve të Venezuelës, patriotizmin e kuvendit kombëtar dhe guximin e jashtëzakonshëm të presidentit të përkohshëm, Juan Guaido. Sipas tij, populli i Venezuelës është ngritur për të kërkuar liri dhe demokraci dhe se Amerika është në anën e tyre, shkruan “The Guardian”.
Kritikët e Maduro thonë se rizgjedhja e tij vitin e kaluar ishte mashtruese, duke e bërë mandatin e tij të dytë ilegal. Shtetet e Bashkuara dhe vende të tjera e njohin Guaidon si udhëheqësin e ligjshëm të vendit. Gjatë gjithë presidencës së tij, Trump thuhet se ka i kërkuar këshilltarëve nëse intervenimi ushtarak i SHBA është i mundur.
Lufta e pushtetit të Venezuelës po shkon drejt një përballje potencialisht të dhunshme të shtunën, kur Guaido do të përpiqet të kryejë karvanët e ndihmave humanitare të SHBA në të gjithë kufirin venezuelian nga Kolumbia. Maduro mohon një krizë humanitare, duke fajësuar administratën Trump për ngritjen e një grushti shtrëngues kundër tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
