Ish-nënkryetarja e PD-së, Jozefina Topalli, thotë se përçarja në gjirin e demokratëve e dëmtoi partinë. E pyetur në studion e emisionit “Të Paekspozuarit” në MCN TV në lidhje me vendimin për t’u shkëputur nga PD, duke krijuar në forcë politike që do t’i marrë vota asaj, Topalli tha se e bëri këtë hap kur kuptoi se nuk kishte më asnjë mundësi reformimi nga brenda.
“Fola për një proces deri në arritjen e një lëvizjeje të re. Kam menduar që brenda partisë që unë kam qenë të niste një proces reformimi. Por nisi një përçarje. Po të mos kishte qenë ajo politikë përçarëse, ajo forcë politike do të kishte personalitete të forta”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
